|
بە بۆنەی نزیک بونەوەی هەڵبژاردنەکانی
پۆستی سەرۆک کۆماری لە ئێران
بەستەزمان
فەرهەنگی بەستەزمان
سەرۆک کۆمار:
لە ئیران بەنی ئادەمێکی نێرینەیە کە ڕیشی هەیە (ئەگەر سمێڵیشی نەبێت
قەیناکا). دەبێ بڕوای بە سێزدە ئیمام بێت! ئەم کەسە بە قسەکانی خۆی دەبێ
خەڵک وە پێکەنین بخات و بە کردەوەکانیشی خەڵک وەگریان! بۆ هەڵبژاردران بۆ
ئەم پۆستە لە حەفتا ملیۆن دەنگ تەنیا یەک دەنگی پێویستە، ئەویش دەنگی
ڕابەرە!
دەنگدان:
یانی خۆت بێدەنگ بی و کەسی کە قسەت بۆ بکا! جاریواشە بە زۆری دەنگت
لێدەستێنن و تۆش بێدەنگ دەمێنیتەوە! کەسی واشە بە هۆی دەنگێک کە
لێیدەبێتەوە کەسانی کە وە پێکەنین دەخات!
کاندیدای سەرۆک کۆماری:
کەسێکە کە دەبێ بزانێ لەکاتی دەنگداندا وادەی وەها بدات کە خەڵک دەمیان
پڕبێ لە ئاو، بەڵام دوای گەیشتن بەم پۆستە، قامک بۆ خەڵک ڕادێرێ!
پەتاتە:
شتێکە کە دەنگی بۆ سەرۆک کۆماری پێدەکڕن!
چاکسازی:
وادەی سەر خەرمان!
چاکسازی:
شتێکە کە هیندێک لە گەڵ ڕوخان لێیان تێکچووە! (چاکی مەکە تا خەراپی نەکەی)
سندوقی هەڵبژاردن:
جەعبەیەکی جادوییە کە خامنەیی دەتوانێ لە کاتی هەڵبژاردندا هەرکەسێکی پیی
خۆشبێ لیی وەدەر دەخا!
خۆ کاندید کردن:
تێپەڕ بوون لە هەزار خانی خامنەئی! (لە باتی حەوت خان!)
هەڵبژاردن:
خامنەئی دەڵێ "هەر هی خۆمانە نایدەن بە بێگانە!"
ڕقەبەرایەتی هەڵبژاردن:
شەڕێکی قورس لەناو کاندیدەکان. هیندێکیان بۆ ئەم مەبەستە لە پەتاتە کەڵک
وەردەگرن و هیندێکیشیان لە نان و کاری خەلک! گۆڕەپانی ئەم شەڕەش میدانی
زێڕینگەرانە!.
|