ڕۆژگاری ئاوه‌ژوو

ئارام بوداغی

چه‌نده سه‌یر و ژاناوییه

ئه‌وه‌ی پرده‌کانی ڕووخاند

دڵی به‌ستێنی پێ هه‌ژاند

له هه‌ڵبه‌ستنه‌وه‌یان ده‌دوێ

ئه‌وه‌ی خۆره‌ی هیواکانه

له گۆڕان و خوڵقان ده‌دوێ

ئه‌وه‌ی به داس که‌وته گوڵزار

له سه‌وزایی و جوانی ده‌دوێ

ئه‌وه‌ی تراویلکه‌یه دیاری ده‌ستی

له باران و گه‌نم ده‌دوێ.

ئێوه بڵێن، ئه‌ی ئه‌وانه‌ی

کوێرووی گه‌نم و هه‌وری نه‌زۆک

ده‌غڵ و دانی تاڵان کردوون!

ئه‌وه‌ی شانی بووه‌ته هێلانه‌ی قه‌ل و داڵ

کوا هه‌ڵۆ و باز له سه‌ر شانی ده‌نیشنه‌وه؟

1/11/2009