|
به هینانی ناوی ئاستافی دهتوانن ئهم بابهته بڵاو بکهنهوه!!! |
|
بهرز و بهرێز بێت 8ی مارس، رۆژی جیهانی ژن!
ژنانی کوردستان ههر له یهکهم رۆژی هاتنهسهرکاری رژیمی ئیسلامی ئێرانهوه هیچ کات لهوهیدا که رژیمێکی مهزههبی ناتوانێت مافهکانی ژنان دهستهبهر بکات، تهوههومیان نهبووه و به شێوهی جۆراوجۆر بۆ به دهست هێنانی مافهکانیان و ههروهها لابردنی ههرچشنه ههڵاواردنێکی جینسی، دهستیان داوهته خهبات. ژنانی کورد له خهبات و بهربهرهکانێ چهند ساڵهی کوردستان و ئێراندا نهقشی زۆر بهرچاویان بووه و لهم ساڵانهدا دهیان ژنی کورد به هۆێ چالاکیهکانیانهوه یان له بهندیخانهکانی ئێران و کوردستاندا بهند کراون یان حوکمی ئێعدامیان به سهرا سهپاوه. ئهمرۆ و له شهرایتی ئێستادا بزووتنهوی ژنی کورد ئهبێ یهکگرتووتر له ههمیشه و به پلاتفورمی خویهوه بێته مهیدان. پلاتفورمێک که بتوانێ خواستهکانی ئێمهی ژنی کورد به ژنانی ئێران بناسێنێت و له ههمانکاتیشدا ژنانی کورد له ژێر یهک پهرچهمدا کۆ بکاتهوه. ئهمکارهش ئهرکی ههمو رهێکخراوهکانی ژنانی کوردستانه، چ رێکخراوه حیزبیهکانی ژنان و چ رێکخراوه سهربهخۆ و کسایهتیهکانی بزوتنهوی ژنان دهبێت لهم رابیتهدا ههنگاوی جیددی ههلبگرن. با 8ی مارسی ئهمساڵ بکهین به رۆژی یهکگرتنی بزوتنهوی ژنی کورد بۆ بهدهست هێنانی مافی یهکسانی و ههڵوهشاندنهوهی ههمو یاسا نابهرابهر و ههلاواردهنه جینسیهکان.
رێکخراوی مافی ژنی کورد، مافی مرۆڤ 02/03/2010 | ||
|
|
ئهمساڵ